მე - კატო

5 რამ, რაც ყველაზე მეტად მიყვარს

2010-08-26T15:23:00.003+04:00

Katiee-მ დამთაგა და...
მაშ ასე, ყველაზე ძალიან მიყვარს:
სიყვარული
შეიძლება სასაცილოდ მოგეჩვენოთ, მაგრამ ყველაზე ძალიან თვითონ " სიყვარული " მიყვარს :)
სიყვარული იმდენად კარგი გრძნობაა, რომ სიტყვებით ამის გამოხატვა თითქმის შეუძლებელია.
როცა შეყვარებული ვარ , მუდამ გაღიმებული, გალაღებული და ბედნიერი ვარ. ამ დროს მხოლოდ სიკეთეს ვასხივებ :D.
როცა მიყვარს ჩემთვის არ არსებობს დეპრესია, ნევროზი, ცუდი განწყობა. მოკლედ იმდენად კარგად ვარ, რომ ეს გრძნობა მარტო ამიტომ მიყვარს ყველაზე უფრო :D

მეგობრები
ძალიან მიყვარს ჩემი მეგობრები, რომ არა ისინი, ალბათ ძალიან გამიჭირდებოდა.
მე ბედნიერი ვარ იმით, რომ შემიძლია ხმამაღლა ვთქვა " ჩემი მეგობარი ჩემი ძალა და იმედია ".

სიცილი

სიცილი ძალიან მაგარია. ამ დროს ხომ ბედნიერების ჰორმონი ჭარბად გამოიყოფა.
გამიგონია "10 წუთის სიცილი 10 წლის სიცოცხლებს მატებსო ".
მაგის მიხედვით თუ ვიმსჯელებთ, მაშინ მე უკვდავი უნდა ვიყო :D

ნიჭი
აი, რა არის ის, რაც ყველაზე მეტად იწვევს ჩემში აღფრთოვანებას. ვგიჟდები ნიჭიერ ადამიანებზე. მშურს თეთრი და შავი შურით! :D სულ გული მწყდება, რომ რაიმე ერთი კუთხით განვითარებული ნიჭი არ გამაჩნია. ცოტას ვუკრავ, ვმღერი, ვცეკვავ, ვხატავ კიდეც, მაგრამ ეს ყველაფერი ცოტ-ცოტააა . მე კიდევ, მინდა რომელიმე მათგანს განსაკუთრებული ნიჭიერებით ვაკეთებდე .

თითები და თვალები

თითები ჩემი სისუსტეა. ახალ გაცნობილს პირველად თითებზე ვაკვირდები. განსაკუთრებით მამაკაცის თითებზე მაქვს გართულება:P. რა სჯობია, გრძელ და თლილ თითებს? ;)

ჭკუა მეკეტება ჭკვიან თვალებზეც. თვალი ერთადერთი ორგანოა რომელსაც ვერ მოატყუებ. თვალით ხდება ყველაფრის აღქმა, შეცნობა. თვალების მიხედვით შეგიძლია ადამიანის შინაგანი დაინახო. არ აქვს თვალის ფერს მნიშვნელობა მთავარია თვალი იყოს მეტყველი.
მორალი:

თუ ხართ ნიჭიერი, გაქვთ თლილი თითები და მეტყველი თვალები და გიყვართ სიცილი, მაშინ აუცილებლად უნდა დამიმეგობრდეთ, ოღონდ ფრთხილად, არ შემიყვარდეთ! :D

”ჰერკულესის” ფაფის საიდუმლო

2010-08-26T12:52:00.008+04:00

ბლოგის სტუმარი: Katiée
არ ვიცი, შვრიის ფაფას პირველად ვინ დაარქვა ”ჰერკულესი”, მაგრამ ბავშვობიდან მეხსიერებაში ჩამჯდარი ეს ტერმინი დღემდე ასოცირდება ჩემთვის ერთადერთ ფაფასთან, რომელიც სასარგებლოსთან ერთად, გემრიელიცაა და რაც მთავარია, არ ასუქებს, პირიქით ;)

შვრია

ფაფების სასარგებლო თვისებებს შორის პირველ ადგილზე, როგორც წესი, კუჭ-ნაწლავისთვის მაამებელი ეფექტია ხოლმე. ფაფის მოძულეები კი ხშირად ”ქვასაც ვინელებ”-ით იმშვიდებენ თავს, ვიდრე ქვის მონელებიდან კუჭის წყლულამდე და გასტრიტამდე არ მიიყვანენს საქმეს.

შვრიას (Avena sativa) უამრავ სასარგებლო თვისებას მიაწერენ:

შვრია

10-20%ით ამცირებს ქოლესტერინის დონეს სისხლში
ახდენს ათეროსკლეროზის პრევენციას (შესაბამისად, ამცირებს გულ-სისხლძარღვთა დაავადებების რისკს)
ამცირებს მე-2 ტიპის (არაინსულინდამოკიდებული) დიაბეტის ჩამოყალიბების შესაძლებლობას
აუმჯობესებს კუჭ-ნაწლავის მოქმედებას და განსაკუთრებით სასარგებლოა მოუწესრიგებელი კვების რეჟიმის მსხვერპლთათვის
შეიცავს სელენიუმს, რომელიც E-ვიტამინთან ურთიერთქმედაბაში იძლევა ანტიოქსიდანტურ ეფექტს და ამცირებს არა მხოლოდ ასთმის სიმპტომებს, არამედ გულის შეტევის რისკსაც. ამავდროულად სელენიუმი ხელს უწყობს დნმ-ის აღდგენას, რაც ასოცირდება კიბოს (განსაკუთრებით, მსხვილი ნაწლავის კიბოს) პრევენციასთან
ახდენს ზოგადად მკერდის კიბოს და განსაკუთრებით მენოპაუზისშემდგომი მკერდის კიბოს ჩამოყალიბების პრევენციას
არის დილის ენერგიის წყარო
მნიშვნელოვნად აუმჯობესებს სახის (და არა მხოლოდ სახის) კანის სტრუქტურას, სქესის მიუხედავად ;)

შემცველობა:

შვრიის ფაფა იყიდება როგორც სუფთა სახით (კანგაცლილი შვრიის დაცეხვილი ფანტელები), ისე მშრალი ხილის ნაჭრებით გაჯერებული.

”მიუსლი”

შეიძლება როგორც უმი (რძეში, მაწონში ჩამბალი), ისე დაბალ ცეცხლზე მოხარშული სახით მირთმევა, გააჩნია ვის, როგორ ურჩევნია. ორივე შემთხვევაში სასარგებლოა.

მოხარშული ფაფის მომზადება არანაკლებ მარტივი და სწრაფია, ვიდრე უმი ფორმით მომზადება და დაახლოებით 3-4 წუთს მოითხოვს:
შვრიის ფანტელებს ჩაყრით მომინანქრებულ (ე.წ. ”ემალის”) პატარა ქვაბში, შეურევთ მარილს ან/და შაქარს გემოვნებით, დაუმატებთ 1,5 ოდენობის ცივ რძეს (წყალს), დაახურავთ მჭიდრო სახურავს, 2-3 წუთი წამოადუღებთ და ხშირად მოურევთ (მორევისას უკეთესად გამოიყოფა მარცვლეულის წებოვანა, რაც უფრო გემრიელს ხდის ფაფას) და როცა წყალი/რძე საკმარისად შეშრება, გადმოიღებთ ღრმა ფიალაზე.
თუ ტკბილს მარილიანი ფაფა გირჩევნიათ (თუმცა, ცოტა მარილი ტკბილსაც უხდება), შეგიძლიათ ერთი ნაჭერი სულგუნიც ჩააჭრათ (ელარჯის ეფექტისთვის:D).
მოკლედ, მთავარია მიირთვათ და დაამატეთ რაც გსურთ! :D

P.S. შვრიის ფაფას ნუ ”ჩაანაცვლებთ” Corn Flakes, Kellogg’s-ის ან მსგავსი ნაწარმით. ყიდვისას აუცილებლად მიაქციეთ ყურადღება მწარმოებელს და, თუ შესაძლებელია, ბიოლოგიურ სისუფთავესაც, რომ სასარგებლო პროდუქტის ნაცვლად გენმოდიფიცირებული ბურღული არ შემოგეყიდოთ.

ეპილოგი:
მე მივირთვი ჩემი წილი შვრიის ფაფა! შენ? :D

ლისის ტბა

2010-08-03T20:08:00.000+04:00

მე-4 ფოტო სესია. ლისის ტბა

2010-06-29T12:26:00.003+04:00

ქუჩაში რომ შემომხვდეთ.....

2010-06-24T23:44:00.002+04:00

დათაგვისთვის მადლობა katiee -ეს .

სად ?

დავიწყებ იმით რომ , ძირითადად მარჯანიშვილის და საბურთალოს ტერიტორაზეა ჩემი ნახვა შესაძლებელი. მარჯანიშვილზე იმიტომ , რომ იქ ვმუშაობ. საბურთალოზე კი ჩემი მეგობრების უმრავლესობა ცხოვრობს და მაქეთ მომიწევს გული. სამსახურიდან თუ ძალიან გათიშული და ზომბირებული არ გამოვედი საღამოობით 4 SeasonS-ში ვჯდები ჩემს მეგობრებთან ერთად (სასიამოვნო მუსიკის ფონზე ენას ვიტყავებთ ჭორაობით ). ან კალაში (ძალიან მომწონს იქაური ცხელი შოკოლადი და ცეზარი).
მიყვარს ღამის კლუბებიც, მაგრამ ხშირად ვერ ვახერხებ წასვლას. ყოველთვის არ გამომდის ჩემი " ბებერი " მეგობრების აყოლიება. : D : P

როგორ ?

ქუჩაში თვალებ ციმციმა , მუდამ მომღიმარე, კლასიკურად ჩაცმული, მოკლედ შეჭრილი თმით (რომელიც ხან კლასიკურადვეა დავარჩცნილი, ხანაც დახვეული და ოდნავ გაწეწლი ) გოგონა თუ შემოგეგებათ კარგად დააკვირდით იქნებ მე აღმოვჩნდე. : ) თუმცა რამდნეიმე კვირაა რაც ეგრეთწოდებული დეპრესია შემომეპარა " ზაფხულის დეპრესია" ( ასე ვეძახი მე ) .
მეზარება მუშაობა და შვებულებაში გასვლა მინდა, მაგრამ არ მიშვებენ ჯერჯერობით. ხოდა შესაძლოა ცოტა მოწყენილიც კი დამინახოთ ამ ბოლო დროს, თუმცა იმედი მაქვს მალე გავალ შვებულებაში, დავისვენებ და დავუბრუნდები ჩვენს დედაქალაქს ისევ ისეთი, გაღიმებული და გალაგებული . : D
ძირითადად შარვლები ან გრძელი ქვედაბოლოები მაცვია. დახეული ჯინსენი, კეტები და მსგავსი სპორტული ტანსაცმელი ჩემს გარდერობში თითქმის არ მოიძებნება. (უბრალოდ არ ჯდება ჩემს სტილში და ხასიათში).
ჩემი აქსესუარებიდან თვალში მოგხვდებათ დიდი საყურეები, ხელზე ჯინჯილები ( ასე ვეძახი სამაჯურებს ), ფერადი ფეხსაცმელი (ძირითადად ზაფხულის პერიოდში ), დიდი და მუდამ გამოტენილი ჩანთა, ან პირიქით ძალიან პატარა, მაგრამ მაინც გატენილი : D ( მართლა ვერ ვხვდები რა მიდევს ამდენი , ან რატომ დავათრევ ასეთ მძიმე ჩანთას) . კატიესი არ იყოს, ფული ვერც მე გავიმეტე აიფოდის შესაძენად, ამიტომ მუსიკას სახლში ვუსმენ.
მოკლედ თუ სადმე დამინახავთ ძალიან გთხოვთ არ მოგერიდოთ და დამიძახეთ. ძალიან გამიხარდება და მესიამოვნება თქვენი გაცნობა : )

როგორ მოვუაროთ მგრძნობიარე კანს

2010-06-21T00:46:00.002+04:00

რა არის მგრძნობიარე კანი ?
სხვადასხვა მიზეზებით გაღიზიანებული, დაჭიმული, გამომშრალი და გაწითლებული კანი, რომელიც ვერ იტანს ყველა სახის კოსმეტიკურ და მოვლის საშუალებებს.
საბედნიეროდ, დღესდღეისობით არსებობს ასეთი მგრძნობიარე კანის მოვლის საშუალებები: avene, topicrem.
შევეცდები რაც შეიძლება მოკლედ განვიხილო თითოეული მათგანი.

ავენი არის ის კოსმეტიკური საშუალება, რომელიც განკუთვნილია მგრძნობიარე კანის მოვლისთვის. მისი მოვლის საშუალებები დამზადებულია ავენის თერმულ წყალზე. მათ შემადგენლობაში არ შედის პარფიუმი და კონსერვანტები.

ინტოლერანსის ლოსიონი : სახის კანის გამწმენდი და მაკიაჟის მოსაშორებელი ლოსიონი, რომელიც სპეციალურად განკუთვნილია ჰიპერმგრძნობიარე კანისთვის ან კანისთვის, რომელიც მგრძნობიარე გახდა სხვადასხვა აგრესიული ზემოქმედებების შედეგად ( დერმატოლოგიური ან კოსმეტოლოგიური გაღიზიანება, კლიმატური პირობები _ ყინვა , სიცხე და სხვა. ) არ საჭიროებს ჩამობანას და მომენტალურად ამშვიდებს კანს.

ინტოლერანსის კრემი : კრემი პასუხობს მგრძნობიარე კანის ყველა მოთხოვნას : აღადგენს კანის ჰიდრო ლიპიდურ ფენას, ეპიდერმისს და უზრუნველყოფს კანის ხანგრძლივ და ეფექტურ დაცვას.
ტოლერიან ექსტრემის ლოსიონი : სტერილური მინიდოზები განკუთვნილია კანისთვის , რომელიც ვერ იტანს კლასიკურ კოსმეტიკას. ახასიათებს წვისა და დაჭიმულობის შეგრძნება. ის ადვილად აცილებს მაკიაჟს სახისა და თვალის გარშემო. ამის შემდეგ უნდა დაიტანოთ ტოლერიან ექსტრემის საცხი, რომელიც ასევე მინი დოზებშია მოთავსებული და მისი მკუნალობის კურსი რეკომენდირებულია 21 დღე.
თვალიდან მაკიაჟის მოსაცილებელი თხევადი ჟელე - ყველანაირი ტიპის მგრძნობიარე თვალისთვის . რეკომენდირებულია მათთვისაც, ვინც კონტაქტურ ლინზებს ხმარობს.

მშრალი და ძალიან მშრალი კანისთვის ავენს გააჩნია ქოლდის სერია. მასში შედის სახის დასაბანი მყარი საპონი (საპნის შემცველობის გარეშე ) , სახისა და ტანის დასაბანი გელი, სახისა და ხელის კრემი.
Topicrem

ტოპიკრემის მთლიანი სერია განკუთვნილია მგრძნობიარე კანისთვის.მისი სახისა და ტანის დამატენიანებელი კრემი, გამოიყენება 0 ასაკიდან. იგი ინიშნება ახაშობილებშიც ( როცა მას აქვს გამომშრალი ან დიათეზიანი კანი ). აგრეთვე ეს დამატენიანებელი კრემი ძალიან კარგია მზის აბაზანების შემდეგ გამომშრალი კანის სამკურნალოდ. მის შემადგენლობაში შედის 2% შარდოვანა და 9,5% გლიცერინი, ფუტკრის ცვილი, სკვალანი. ამ კომპონენტების ურთიერთქმედების შედეგად ტოპიკრემი ატენიანებს კანს, ხდის მას ელასტიურს და რბილს. აქრობს კანის დაჭიმულობის შეგრძნებას. წამიერად შეიწოვება და არ ტოვებს ცხიმიან სიპრიალეს. (პირადად მე შარშან ზაფხულში ამ კრემმა გადამარჩინა , ისეთი დამწვარი ვიყავი კანი მძვრებოდა. ამ კრემის გამოყენებიდან 3 დღის მერე კანის აქერცვლა შემიჩერდა და ნამზეურიც შემინარჩუნდა. ).

ტოპიკრემს აქვს ასევე დასაბანი საშუალება ბიოეკოლია, რომელიც საპნის შემცველობის გარეშეა, არ აშრობს კანს. იგი შეიცავს ნატურალურ კომპონენტებს, რომელთა საშუალებით განსაკუთრებულად ასუფთავებს კანს, ისე , რომ არ ირღვევა ჰიდროლიპიდური შრე.

გარდა ამისა, მას აქვს მხოლოდ სახისათვის განკუთვნილი დამატენიანებელი საცხი, რომელიც აგრეთვე შეიცავს 2% შარდოვანას , რაც უზრუნველყოფს კანის კანის ინტენსიურ დატენიანებას.იგი გამოიყენება როგორც მშრალი ასევე კომბინირებული კანის შემთხვევაში.

აი, სულ ეს იყო, რაც მინდოდა სახის მოვლასთან დაკავშირებით თქვენთვის რჩევის სახით მომეცა. იმედია, გაითვალისწინებთ და ზაფხლს ლამაზი და მოვლილი კანით გაატარებთ :))

როგორ მოვუაროთ სახის კანს ზაფხულში Weleda-სთან ერთად

2010-06-12T23:01:00.000+04:00

Weleda არის საქართველოში ერთ-ერთი ბრენდი რომელიც არის მცენარეული და შეიძლება ითქვას , რომ ერთადერთიც კი. Weledas აქვს როგორც სახის ასევე ტანის და ბავშვის მოვლის საშუალებები.მშრალი კანისთვის აქვს ნუშის სერია, ამ სერიაში შედის : რძე, სახის საცხი ( ანუ მკვებავი) დამატენიანებელი საცხი, ზეთი და დამატენიანებელი ნიღაბი.

ნუშის ზეთი გამოიყენება როგორც მაკიაჟის მოსაშორებლად, ასევე თვალის ირგვლივ მოვლის საშუალებად. რძით უნდა მოხდეს სახის კანის გასუფთავება (მაკიაჟის და მტვრის ჩამოცილება). შემდეგ დამატენიანებელი საცხის დატანება.

Weleda-ს ნებისმიერი საცხი გამოიყენება შემდეგნაირად: ოდნავ ნესტიან სახეზე უნდა მოხდეს მისი წასმა.

ძალიან მშრალი კანის შემთხვევაში აუცილებელია კვირაში ერთხელ გავიკეთოთ ნუშის დამატენიანებელი ნიღაბი - ნუშის დამატენინანებელი ნიღბის ძალიან მცირე რაოდენობა წავისვათ გაწმენდილ კანზე, ისე რომ თავისუფალი დარჩეს ტუჩები და თვალის უპეები. დააყოვნეთ 15-30 წუთი და ფრთხილად მოვიწმინდოთ კოსმეტიკური ან ბამბის პირსახოცით. ნიღბის ნარჩენები ჩამოვიბანოთ ნელთბილი წყლით და შემდგომ წავისვათ ნუშის საცხი ან ზეთი.

თვალის ირგვლივ გაჩენილი წვრილი ნაოჭები ყველა ქალის დიდი და გადაუჭრელი პრობლემაა, ამისთვის Weleda-ს აქვს ნუშის ზეთი, რომელსაც მე პირადად ვიყენებ და აღფრთოვანებული და შეყვარებული ვარ ;) დილას და საღამოს წაისვით თვალის კონტურის ირგვლივ წრიული მოძრაობით.

რაც შეეხება ნორმალურ და კომბინირებულ კანს, ამისათვის Weleda-ას აქვს ზამბახის სერია. მასში შედის : გამწმენდი რძე და ლოსიონი, დღის და ღამის საცხი, დამატენიანებელი და აღმდგენი ნიღაბი და აგრეთვე დამატენიანებელი საცხი. ზამბახის რძე გამოიყენება სახის, ყელისა და დეკოლტეს გასაწმენდად.საფუძვლიანად წმენდს და კრავს ფორებს. იცავს კანს მაკიაჟის მავნე ზემოქმედებისაგან, აცოცხლებს კანის უჯრედებს და ხელს უშლის ნაოჭების წარმოქმნას. ზაბმახის რძით გაწმენიდის შემდგომ უნდა მოხდეს მისივე ლოსიონის გამოყენება. რამდენიმე წვეთი ლოსიონი დააწვეთეთ ბამბის ნესტიან დისკზე და ნაზად წაისვით სახეზე, ყელსა და დეკოლტეზე. ამის შემდგომ (ზაფხულში) გამოიყენება ზამბახის დამატენიანებელი საცხი. თვალის ირგვლის შეგვიძლია გამოვიყენოთ ნუშის ზეთი.

რაც შეეხება 30 წლის ზევით მყოფ მანდილოსნებს. მათთვის Weleda-ს აქვს ვარდის სერია: ვარდის დღის და ღამის საცხი, სახის ინტენსიური მოვლის ზეთის კაფსულები, რძე და ლოსიონი, დამატენიანებელი და ინტენსიური მოვლის ნიღბები და თვალის ირგვლივ მოვლის საშუალება.მოზრდილი ადამიანის კანი სიმშრალისა და ნაოჭების წარმოქმნისაკენ არის მიდრეკილი. ვარდის სახის ზეთი ინტენსიურად კვებავს, ატენიანებს და მსუბუქად, დაზიანებების გარეშე გადაჭიმავს კანს. ვარდის სახის ზეთი საღამოს კვირაში ერთხელ სუფთა, ნოტიო კანზე წაისვით და ნაზად შეიზილეთ. დამატებით სხვა საცხის მაგ: ღამის კრემის გამოყენება არ არის საჭირო.

განსაკუთრებულ შემთხვევებში (სტრესი, დაღლილობა, წონაში კლება) კანის ინტენსიური მოვლის ზეთი გამოიყენეთ ყოველდღიურად 3-4 კვირის განმავლობაში.

ვარდის თვალის ირგვლივი საცხი ამშვიდებს შეშუპებულ უპეებს, გადაღლილ და გაღიზიანებულ თვალებს,

ამცირებს თვალის ირგვლივ ნაოჭების რაოდენობას. დილა-საღამოს მცირე რაოდენობა ფრთხილად გადავანაწილოთ და ნაზად წავისვათ თვალის გარე კუთხიდან ქვემო მიმართულებით.

პ.ს. ამრიგად, შეპირებისამებრ, შეძლებისდაგვარად ამოვწურეთ ინფორმაცია კიდევ ერთი საკმაოდ მაღალი ხარისხის მცენარეული კოსმეტიკურ საშუალებათა მწარმოებლის - ველედას შესახებ. პირადი გამოცდილებით, გირჩევთ არ დაზოგოთ ფული იაფი კოსმეტიკის გამოყენებით, მითუმეტეს, რომ ველედას პროდუქცია საშუალოდ 5-6 თვე გეყოფათ :)

როგორ მოვიძიოთ ჩვენთვის სასურველი სამოსი , აქსესუარები და ა.შ. სახლიდან გაუსვლელად

2010-06-07T01:26:00.002+04:00

http://www.bestshops.ge/

ძალიან მეზარება მაღაზიებში სიარული, მაშინ როცა ფული არ მაქვს. არა და ძალიან მაინტერესებს რა სიახლეებს გვთავაზობენ. ბევრი ვეძებე თუ ცოტა ვეძებე , მივაგენი ამ საიტს . სადაც რამდენიმე ჩემთვის საყვარელი ბრენდის შესახებ არის ინფორმაცია.ყველაზე მეტად იმან მომხმიბლა , რომ ფასებიც არის მითითებული, ანუ დაახლოებით აზრზე ვიქნები რა და რა ფასად შემიძლია , რომ შევიძინო. მოკლედ, გადახედეთ თქვენც, ჩემო მეგობრებო, ამ საიტს.
მე ძალიან კმაყოფილი დავრჩი და იქნებ თქვენც გამოგადგეთ რამეში : )

ჩემმა მე-3 ფოტო სესიამაც გაამართლა. : ) www.graf.ge - ზე ის დღის ფოტოდ აღიარეს

2010-05-23T09:32:00.002+04:00

http://www.graf.ge/index.php?autocom=gallery&req=si&img=53185

ფოტოგრაფი: ქეთა ღვინეფაძე

მე - 3 ფოტო სესიის შედეგები

2010-05-22T21:50:00.001+04:00

ფოტოგრაფი - ქეთა ღვინეფაძე თათია აფრასიძე

სახის კანის მოვლა ზაფხულში + Vichy

2010-05-15T00:20:00.002+04:00

უკვე დათბა.როგორც იქნა გვეღირსა თითქმის ზაფხული.

ზაფხულში ყველაზე განსაკუთრებული მოვლა სჭირდება სახის კანს.

წელიწადის ამ დროს ყველაზე აუცილებელია სწორად შევარჩიოთ სახის საცხი. ზაფხულში არ არის რეკომენდირებული მკვებავის გამოყენება. ამ დროს რეკომენდირებულია დამატენიანებელი საცხის გამოყენება, რადგან მცხუნვარე მზე იწვევს დეჰიდრატაციას ( ანუ უჯრედებიდან წყლის ჭარბი რაოდენობით აორთქლებას).

კანი რომ არ გამოშრეს, აუცილებელია მოხდეს მისი ინტენსიური დატენიანება. გარდა ამისა ასევე აუცილებელია დავიცვათ სახის კანი მზის მავნე გამოსხივებისგან.

არსებობს სხვადასხვა ბრენდის დამატენიანებელი საცხები, რომელიც ხელმისაწვდომია თბილისის ბევრ აფთიაქსა თუ დიდ სუპერმარკეტში.
მაგალითად: Vichy, Topicrem, la Roche-Posay, Avene, Weleda .
ეს პროდუქტები არც ისე იაფია, მაგრამ, დამეთანხმებით,
თქვენი ჯანმრთელობა და სახის კანი გაძილებით ძვირფასია.

შევეცდები მოკლედ განვიხილო თითოეული მათგანი და აგიხსნათ,
რატომ უნდა გამოვიყენოთ კონკრეტულად ამ ბრენდების კოსმეტიკა?

მთავარი: ეს კოსმეტიკა არის სამკურნალო .

ამიტომაცაა, რომ საზღვარგარეთ (და საქართველოშიც), ისინი აფთიაქებში იყიდება.

რა უპირატესობით სარგებლობენ ზემოთ ჩამოთვილი ბრენდები?

ისინი არ შიცავენ ქიმიურ დანამატებს და კონსერვანტებს. ბიოლოგიურად სუფთა პროდუქტებია და მათი გამოყენება გვაძლევს იმის გარანტიას, რომ ჩვენი კანი არის დაცული, შედეგი კი – გარანტირებულია.

მათი ძირითადი ბაზა არის თერმული წყალი . რაც განაპირობებს იმას, რომ კოსმეტიკა არის ჰიპოალერგიული. (ანუ ალერგიის რისკი მინიმუმამდეა დასული ).

დღეს განვიხილავ Vichy-ს ღირსებებს (და ნაკლსაც ;))

რა თქმა უნდა, ეს ყველაფერი გამოცდილი მაქვს საკუთარ თავზე და ნაცნობ–მეგობრებზეც ;)

Vichy არის ფრანგული წარმოების კოსმეტიკა. მისი გამა წარმოადგენს ნებისმიერი ტიპის კანის მოვლის საშუალებების მთელ კომპლექსს, რომელიც შექმნილია დერმატოლოგიისა და კოსმეტოლოგიის უახლოეს საფუძვლებლზე, ბიოქიმიის უახლესი ტექნოლოგიის გამოყენები.

Vichy-ს გამაში შედის სახისა და ტანის კანის, თმის მოვლა, ჰიგიენური, მზისაგან დამცავი და დეკორატიული მოვლის საშუალებები.

დავიწყოთ Vichy-ის კანის ჰიგიენის საშუალებებით :

1. უნივერსალური სითხე სახისა და თვალებიდან მაკიაჟის მოსაცილებლად.

იგი სათუთად აცილებს მაკიაჟს, აქვს დამამშვიდებელი მოქმედება კანზე, არ აშრობს კანს და არ აღიზიანებს საცრემლე ჯირკვლებს.

2. მაკიაჟის მოსაცილებელი ინტეგრალი 3-1-ში. იგი ნებისმიერი ტიპის კანისათვისაა. შეიცავს რძეს, ლოსიონ -ტონიკს და თვალის ირგვლივ მაკიაჟის მოსაცილებელ საშუალებას ერთად.გამოიყენეთ დილით და საღამოს.გაიწმინდეთ სახე, ყელი , ქუთუთოები წრიული მოძრაობით.

3. მუს-კრემი. იგი გამოიყენება ნორმალური, ცხიმიანი და შერეული კანისათვის. მსუბუქად წმენდს კანს , არ არღვევს ჰიდრო -ლიპიდურ შრეს. იგი არის დასაბანი საშუალება. მისი გამოყენება შესაძლებელია ყოველდღიურად.

4. მაკიაჟის მოსაშორებელი რძე დეტოქსი. (არსებობს როგორც მშრალი ასევე შერეული კანისტვის.).მას აქვს დამამშვიდებელი მოქმედება, ეფექტურად აცილებს მაკიაჟს.მისი გამოყენება შეიძლება ყოველდღიურად. (რძე რომელიც არ შეიცავს ლოსიონ-ტონიკს აუცილებელია მისი ჩამოწმენდა მოხდეს ტონიკით ან ნელთბილი წყლით ).

5. მაკიაჟის მოსაცილებელი ლოსიონ-ტონიკი (როგოც მშრალი ასევე ნორმალური და კომბინირებული კანისთვის ) აქვს მატონიზირებელი და დამამშვიდებელი მოქმედება.იგი გამოიყენება შესაბამის რძესთან ერთად კომპლექსში.6. მაკიაჟის მოსაშორებელი საშუალება თვალის ირგვლიც მგრძნობიარე კანისათვის.მას გააჩნია მატონიზირებელი ეფექტი, არ შეიცავს ზეთს და გამოიყენება კონტაქტური ლინზების მომხამრებებისთვის.მისი გამოყენება შესაძლებელია ყოველღიურად.და ბოლოს ამქერცლავი კრემ-ექსფოლიატორი სახისათვის. ნებისმიერი ტიპის კანისტვისაა.აცილებს მკვდარ უჯრედებს, ასუფთავებს ფორებს, შეიცავს დიდი რაოდენობით ამქერცლავ გრანულებს,რომელთა წყალობითაც კანი ხდება ნაზი და ხავერდოვანი. მისი გამოყენება შეიძლება კვირაში ერთხელ ან მაქსიმუმ ორჯერ. ამ ჰიგიენური საშუალებების გამოყენების შემდეგ უნდა მოხდეს სახის კანზე საცხის დატანება.

კიდევ ერთხელ გავიმეორებ,

ზაფხულში რეკომენდირებულია დამატენიანებელი საცხების გამოყენება.

Vichy-ის აქვს დამატენიანებელი საცხი, როგორც მშრალი ასევე კომბინირებული კანისთვის.

ამ საცხს აქვს მსუბუქი ტექსტურა, რომელიც სწრაფად შეიწოვება და არ ტოვებს ცხიმოვან სიპრიალეს. არბილებს სახის კანს და ზრდის დამცავ უნარს. კანი განუწყვეტლივ ტენიანდება. უნდა წაისვათ დილას ან/და საღამოს და აუცილებლად

თვალის კონტურების გამოტოვებით.

Vichy-ს აქვს ასევე თვალის მოვლის საშუალება, რომელიც არის გელის კონსისტენციის და აქვს დამატენიანებელი, დამამშვიდებელი მოქმედება.

გაითვალისწინეთ, Vichy გამოიყენება 20 წლიდან ზევით ასაკში.

პ.ს. თუ ეს ინფორმაცია თქვენთვის სასარგებლო აღმოჩნდა და გადაწყვიტეთ სახის კანის მოვლისას ჩემი რჩევები გაითვალისწინოთ, ძალიან მიხარია :) თუ არა და, შეგიძლიათ დამელოდოთ, შემდეგ პოსტში დანარჩენი ბრენდის კოსმეტიკასაც განვიხილავ, (შევეცდები ცოტა უფრო მოკლედ) და შემდეგ გააკეთეთ არჩევანი :))

კოსმეტოლოგიური რჩევები – როგორი სახის კანი გაქვთ?

2010-05-07T23:37:00.000+04:00

არსებობს სხვადასხვა ტიპის სახისკანი.

1. მშრალი

2. ცხიმიანი

3. ნორმალური და კომბინირებული

როგორ დავადგინოთ რომელ ტიპს მიეკუთვნება ჩვენი კანი?

მშრალი კანი ხასიათდება შემდეგნაირად: სიფრმკრთალე, აშკარად შესამჩნევი შევიწროვებული ფორები.

მშრალ კანზე ვერ ნახავთ თმას, ფერიმჭამელებს. მას არ გააჩნია ცხიმოვანი სიპრიალე.

ცხიმიანი კანი

ცხიმიანი კანისთვის დამახასიათებელია გახსნილი ფორები, განსაკუთრებით ცხვირზე, ღაწვებზე და ნიკაპზე.კანზე დიდი რაოდენობით აღინიშნება ცხიმიანი სიპრიალე. ხშირად ცხიმიან კანზე აღინიშნება ჩირქოვანი გამონაყარი.

ნორმალური და კომბინირებული სახის კანი

ნორმალური და კომბინირებული კანი ყოველთვის მკვრივია და ელასტიური. იგი სადაა და ხავერდოვანი. თუმცა T-ზონა შედარებით ცხიმოვანია.

(T-ზონა მოიცავს: ცხვირს, შუბლს და ნიკაპს. ანუ ამ ადგილებში შედარებით გაფართოებულია ფორები და ცხიმოვანი სიპრიალეც უფრო მეტად წარმოიქმნება )

გაითვალისწინეთ:

იმისათვის რომ ჩვენი სახის კანი კარგად გამოიყურებოდეს. საჭიროა სახლის მოვლის საშუალებების სწორად შერჩევა. პირველ რიგში უნდა მოხდეს კანის რეგულარული გასუფთავება ანუ ჰიგიენის მუდმივი დაცვა – ეს ძალიან მნიშვნელოვანია.

შემდეგ კი კანის ტიპის შესაბამისად შერჩეული კრემის დატანება სახეზე.

სახის მოვლის საშუალების თუ ნებისმიერი კოსმეტიკის შერჩევისას (იქნება ეს სახის გამწმენდი, საპონი, კრემი, ნიღაბი, ტონალური კრემი თუ ე.წ. "რუმიანაც" კი) აუცილებლად ჰკითხეთ რჩევა კონსულტანტს, კრიტიკულად შეაფასეთ და გააკეთეთ გააზრებული, სწორი არჩევანი :)

შემდეგ პოსტში იხილავთ უფრო დაწვრილებით ინფორმაციას, თუ როდის რომელი და რა ბრენდის კოსმეტიკისა და სახის მოვლის საშუალებების გამოყენება ჯობია :))

მე - კატო: მე ფოტოდომზე

2010-05-07T14:26:00.000+04:00

მე ფოტოდომზე
http://www.photodom.com/photographer/escape

მე ფოტოდომზე

2010-05-07T12:51:00.000+04:00

მე - დევიანტარტზე

2010-05-07T01:03:00.001+04:00

http://news.deviantart.com/article/116649/

დღეს ჩემი ფოტო მოხვდა ერთერთი დიდი ფოტოსაიტის დღის საუკეთესო ფოტოების რიცხვში. დიდი მადლობა ფოტოგრაფ - ქეთა ღვინეფაძეს

მე-2 ფოტოსესია

2010-05-04T03:36:00.004+04:00

ფოტოგრაფი -ქეთა ღვინეფაძე

პირველი ფოტო-სესიის შედეგები :)

2010-05-04T02:58:00.001+04:00

ფოტოგრაფი -ქეთა ღვინეფაძე